Eron futzalchilariga 3 ta gol urgan O‘zbekiston termasi yirik hisobda mag‘lub bo‘ldi

Eronda bo‘lib turgan O‘zbekiston futzal terma jamoasi Osiyoning amaldagi chempioniga qarshi ikkinchi o‘rtoqlik o‘yinida ham yirik hisobda yengildi — 3:6. 28-avgust kuni bo‘lib o‘tgan birinchi o‘yinda 0:3 hisobi qayd etilgandi.

Foto: O‘FA matbuot xizmati

Futzal terma jamoasining mag‘lubiyati haqida O‘FF matbuot xizmati xabar berdi . O‘zbekistonliklar tomonidan urilgan gollarga Farhod Abdumavlonov, Davron Choriyev va Javlon Anorov mualliflik qilgan.
O‘rtoqlik uchrashuvi
29-avgust, dushanba
Eron — O‘zbekiston 6:3
Gollar: Farhod Tavakkaliy, 2 (1:0). Farhod Abdumavlonov, 7 (1:1). Hussayn Toyibiy, 9 (2:1). Davron Choriyev, 16 (2:2). Qudrat Bahoduriy, 19 (3:2). Hussayn Toyibiy, 29 (4:2). Javlon Anorov, 33 (4:3). Mahdiy Jovid, 39 (5:3). Mahdiy Jovid, 40 (6:3).
Eron: Alirizo Samimiy, Sapehr Muhammadiy —Javod Isfandiyoriy, Muhammad Keshovarz, Hamid Ahmadiy, Farhad Tavakkaliy, Said Afshor, Muhammad Riza Sangso‘fidiy, Qudrat Bahoduriy, Ahmad Ismoilpur, Afshin Kozimiy, Muhammad Tohiriy, Mehran Alixadr, Said Abbosiy, Mahdiy Jovid, Hussayn Toyibiy, Behruz Jafariy, Muhammad Shojariy.
O‘zbekiston: Rustam Umarov, Akmal Hazratkulov —Nodir Eliboyev, Artur Yunusov, Konstantin Sviridov, Javlon Anorov, Dilshod Rahmatov, Dilshod Irsaliyev, Farhod Abdumavlonov, Feruz Fahriddinov, Shuhrat Tojiboyev, Davron Choriyev, Mashrab Odilov, Ilhom Hamroyev.
Batafsil | Подробно | Read more... Daryo