Qoraqalpog‘istonlik 102 yoshli Olmaxon momoga “Shuhrat” medali topshirildi

Prezidentning 2016-yil 24-avgustdagi farmoni ga muvofiq Qoraqalpog‘iston Respublikasi Chimboy tumanidagi Qizilo‘zak ovulida yashayotgan 102 yoshli Olmaxon momo Yesemuratova “Shuhrat” medali bilan taqdirlandi. Bu haqda O‘zA xabar berdi .

Foto: O‘zA

Qoraqalpog‘iston Respublikasi Jo‘qorg‘i Kengesi Raisi M.Erniyazov bir guruh davlat va jamoat tashkilotlari vakillari hamrohligida Olmaxon momo xonadonida bo‘lib, piru badavlat onaxonga yuksak davlat mukofoti – “Shuhrat” medalini topshirdi.
Bir asrdan ko‘p umr ko‘rgan Olmaxon momo hali bardam, tetik. Bir o‘g‘il, bir qizni tarbiyalab, voyaga yetkazgan. 13 nevara, 29 chevara, 1 evara ardog‘ida.
– Olmaxon momo ovulimizning faxri, maslahatgo‘yi, – deydi “Qizilo‘zak” ovul fuqarolar yig‘ini raisi H.Elmuratov. – Yig‘inlar, to‘y-hashamlar momoning maslahati bilan o‘tadi. Yoshlarga pandu nasihat qilib, bugungi tinch va farovon hayotning qadriga yetish zarurligini uqtiradi.
Batafsil | Подробно | Read more... Daryo