O‘zbekiston terma jamoasi o‘ynashni istamagan Qirg‘iziston o‘rtoqlik o‘yinida Qozog‘istonni taslim qildi

Kecha — 30-avgust kuni Bishkek shahrida Qirg‘iziston va Qozog‘iston terma jamoalari o‘zaro o‘rtoqlik o‘yinida maydonga tushdi va unda mezbonlar 2:0 hisobida zafar quchdi.

Foto: Prediksibolatoday.online

“Championat.asia” saytining ma’lum qilishicha, Qozog‘iston matbuoti bu natijani sharmandali deb atagan .

Foto: CA

Har ikki terma ishtirokidagi uchrashuvni turkmanistonlik hakamlar brigadasi boshqarib bordi. Ma’lumot uchun, O‘zbekiston milliy terma jamoasining 2003-yildan buyon Toshkentda o‘tkazadigan o‘rtoqlik o‘yinlarida faqatgina o‘zbekistonlik hakamlar ishlaydi.
Qozog‘iston terma jamoasi Rossiya—2018 uchun kurashni 4-sentabr kuni Polshaga qarshi o‘yin bilan boshlaydi. Guruhda, shuningdek, Ruminiya, Daniya, Chernogoriya, Armaniston terma jamoalari bor.
Jahon Chempionati yo‘llanmasi uchun Osiyo qit’asida kurash olib borgan Qirg‘izistonning esa Rossiya mundialida ishtirok etmasligi aniq bo‘lib ulgurgan. Terma jamoa Avstraliya, Iordaniya, Tojikiston va Bangladesh mamlakatlari joy olgan guruhni 3-o‘rinda yakunlagandi.

Foto: CA

Ma’lumot uchun, O‘zbekiston milliy terma jamoasi shu yilning 2-iyun kuni Qirg‘izistonga qarshi o‘rtoqlik o‘yinida maydonga tushishi kerak edi. Biroq O‘zbekiston tomoni uchrashuvni o‘tkazishni istamagandi .
O‘rtoqlik uchrashuvi
Bishkek, Qirg‘iziston
30-avgust, seshanba
Qirg‘iziston — Qozog‘iston 2:0
Gollar: Kichin, 44 (1:0). Murzayev, 80 (2:0).
Qirg‘iziston: Kashuba, Kichin, Tego, Mayer, Boymatov, Shamshiyev (Sidorenko 63), Murzayev (Alimov 89), Isroilov (Abdurahmonov 87), Duyshobekov (Siddiqov 73), Lyuks (Jirgalbek o‘g‘li 76), Bernxardt (Musabekov 85).
Qozog‘iston: Loriya (Pokatilov 46), Ahmetov, Beysebekov, Xijnichenko (Moldakarayev 46), Bayjanov (Murtazayev 76), Maliy, Suyumbayev (Shomko 66), Islomxon (Nurgaliyev 46), Kuat, Smakov (Tagыbergen 60), Dmitrenko (Kislitsin 57).
Batafsil | Подробно | Read more... Daryo