O‘zbekistonda 30-avgust kuni eng yuqori havo harorati Buxoro va Navoiy viloyatlarida qayd etildi

Buxoro viloyatining Jongeldi va Navoiy viloyatining Tomdibuloq qo‘rg‘onlarida 30-avgust, seshanba kuni havo harorati +39 darajagacha ko‘tarildi. “O‘zgidromet” axborotiga ko‘ra ( pdf ), bu 30-avgust kuni O‘zbekiston hududida qayd etilgan havo haroratining eng yuqori ko‘rsatkichidir.

Foto: Buxoro viloyat hokimligi matbuot xizmati

O‘zbekistonning yirik shaharlari va viloyat markazlari orasida esa eng issig‘i Qarshi shahri bo‘ldi — Qashqadaryo viloyati ma’muriy markazida 30-avgust kuni havo harorati +37 darajagacha ko‘tarilgan.
Shu kuni Andijon, Farg‘ona shaharlarida havo haroratining eng yuqori ko‘rsatkichi +33 darajani, Samarqand, Namangan shaharlarida +34 darajani, Nukus, Urganch shaharlarida +35 darajani, Toshkent, Buxoro, Navoiy, Jizzax, Guliston, Termiz shaharlarida +36 darajani tashkil etdi.
O‘zbekistonning tog‘li hududlarida salqin iqlim sharoiti saqlanib qolgan — Qamchiq dovonida havo harorati +20 darajadan, Chimyonda esa +25 darajadan oshmagan.

Skrinshot: “O‘zgidromet”

Andijon viloyatining Ulug‘nor tumanida, Namangan shahri va Qamchiq dovonida biroz yomg‘ir yog‘ib, momaqaldiroq kuzatilgan, eng kuchli shamollar esa Qoraqalpog‘istonning Jasliq hududida qayd etildi — soniyasiga 30 metr tezlikda.

Skrinshot: “O‘zgidromet”

Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo