Asal Shodiyeva Instagram’da Shohruxxonni, Shohruxxon esa hammani kuzatishni to‘xtatdi

Aktrisa Asal Shodiyeva turmush o‘rtog‘i, xonanda Shohruxxonni Instagram’da kuzatishni to‘xtatdi. Hozirda Asal Shodiyeva obuna bo‘lgan Instagram-akkauntlar ro‘yxatida Shohruxxonning sahifasi yo‘q.

Skrinshot: Instagram / @asalshodieva

Ayni vaqtda, xonanda Shohruxxon Instagram’da hech kimni kuzatmayapti. Bir muddat avval u 800 dan ortiq Instagram-akkauntlarni kuzatib borayotgandi, ular orasida Asal Shodiyevaning ham akkaunti bor edi.

Skrinshot: Instagram / @_shohruhhon_/

26-avgust, juma kuni xonanda Shohruxxon Instagram’dagi sahifasiga bo‘lingan yurak suratini joylab, unga: “… Salom, ozodlik!”, — deb izoh qoldirgan edi . Keyinroq xonanda bu suratni o‘chirib tashladi. O‘sha kuni Shohruxxonning ham, Asal Shodiyevaning ham Instagram’dagi sahifalaridan ularning to‘ydan keyingi birgalikda tushgan selfilari va videolari o‘chirib tashlangani ma’lum bo‘ldi.
Instagram’dagi to‘ydan keyingi birgalikdagi suratlarining o‘chirilishi hamda Shohruxxonning bo‘lingan yurak suratiga ilova qilib yozgan so‘zlari yuzasidan na Shohruxxonning o‘zi, na Asal Shodiyeva izoh berdi. Instagram foydalanuvchilari esa xonanda va aktrisa bir-biri bilan arazlashib qolganini taxmin qilmoqda.
Eslatib o‘tamiz, aktrisa va xonandaning nikoh to‘yi 2016-yilning 5-iyun kuni bo‘lib o‘tgan va yilning eng shov-shuvli to‘y marosimlaridan biriga aylangan edi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo