Bayram tabrigidan: mamlakatimizni taraqqiy topgan davlatlar qatoriga ko‘tarish yo‘lida shoshma-shosharlik va pala-partish ishlarga yo‘l qo‘ymadik

Mustaqillik yillarida erkin, demokratik davlat qurish, bozor iqtisodiyotiga o‘tish, fuqarolik jamiyatini barpo etishda, mamlakatni taraqqiy topgan davlatlar qatoriga ko‘tarish yo‘lida shoshma-shosharlik va pala-partish ishlarga yo‘l qo‘yilmadi. Bu haqda Prezident Islom Karimovning O‘zbekiston xalqiga mustaqillikning 25 yilligi munosabati bilan yo‘llagan bayram tabrigida aytildi. Tabrik matnini O‘zA taqdim etdi.

Foto: O‘zA

“Biz oldimizga qo‘ygan buyuk maqsadlarga erishishda — erkin, demokratik davlat qurish, bozor iqtisodiyotiga o‘tish, fuqarolik jamiyatini barpo etishda, mamlakatimizni taraqqiy topgan davlatlar qatoriga ko‘tarish yo‘lida shoshma-shosharlik va pala-partish ishlarga yo‘l qo‘ymadik, jahondagi ilg‘or tajribalarni o‘rganib, lekin kimdandir ko‘r-ko‘rona nusxa olganimiz yo‘q. Bu borada chuqur ma’noga ega bo‘lgan ‘Islohot — islohot uchun emas, avvalo inson uchun’ degan g‘oya asosida el-yurtimizga xos xususiyatlar, shart-sharoitlarga mos bo‘lgan, xalqaro maydonda ‘o‘zbek modeli’ deb tan olingan, uzoqni ko‘zlagan yo‘lni o‘zimizga ma’qul topdik va uni amalga oshirishga kirishdik”, — deb ta’kidladi davlat rahbari.
Batafsil | Подробно | Read more... Daryo