Jizzaxda faxriylar va xizmat vazifasini o‘tash chog‘ida halok bo‘lgan harbiylar xonadoni yo‘qlandi

Jizzaxda mehnat jamoalari vakillari, mahalla faollari faxriylar, xizmat vazifasini o‘tash chog‘ida halok bo‘lgan harbiylar xonadonida bo‘lib, bayram bilan tabriklamoqda, sovg‘a-salom ulashmoqda. Bu haqda O‘zA xabar berdi .

Foto: “Vatanparvar”

Jizzax oliy harbiy aviatsiya bilim yurtining bir guruh zobit va kursantlari faxriy Farhod Hamroyev xonadonida bo‘lib, bayram bilan tabrikladi. Bilim yurtining birinchi o‘qituvchilaridan bo‘lgan Hamroyev mamlakat Qurolli Kuchlarini yetuk harbiy mutaxassislar bilan ta’minlashga munosib hissa qo‘shgan. Bilim yurti o‘quv bo‘limi boshlig‘i va aviatsiya jihozlari kafedrasi mudiri vazifalarida samarali faoliyat ko‘rsatgan pedagog davlat rahbarining farmoniga muvofiq 2000-yilda “Jasorat” medali bilan taqdirlangan. Bugungi kunda nafaqada bo‘lsa-da, yoshlarni vatanparvarlik ruhida tarbiyalash ishida faol ishtirok etib kelmoqda.
Bilim yurti jamoasi vakillari jangovar topshiriqni bajarish chog‘ida halok bo‘lgan xizmatdoshlari, podpolkovnik Samandar Kenjayevning oilasida ham bo‘lib, sovg‘alar topshirdi.
Batafsil | Подробно | Read more... Daryo