AQSh Rossiya bilan qurol-yarog‘ haqida yangi shartnoma tuzilishi mumkinligini rad etdi

AQSh Germaniyaning Rossiya bilan qurol-yarog‘ ustidan nazorat haqida yangi shartnoma tuzish taklifiga shubha bilan qaramoqda. Bu haqda Reuters yuqori mansabli diplomatga tayanib xabar berdi, deb yozadi “RBK”.

Foto: “TASS”

“Vashington Rossiya bilan shaffoflikni oshirish bo‘yicha muzokaralar davom ettirilishini yoqlab chiqadi, ammo ushbu bosqichda qandaydir yangi bitimlar tuzishdan ehtiyot bo‘ladi”, — dedi Yevropada xavfsizlik va hamkorlik tashkilotidagi AQSh elchisi Deniyel Bayer.
Diplomat “Rossiya avvalroq tuzilgan shartnomalarni buzayotgan bir vaziyatda yangi bitimlar haqidagi g‘oyaga alohida ehtiyotkorlik bilan yondashish kerak”ligini aytdi.
Bayer eslatishicha, Rossiya Yevropadagi oddiy qurolli kuchlar to‘g‘risidagi shartnomani amalga oshirish bo‘yicha birlashgan maslahat guruhi uchrashuvlaridagi ishtirokini to‘xtatdi hamda 1992-yilgi ochiq osmon haqidagi kelishuvga  va 1990-yilgi axborot almashish va harbiy obyektlar qo‘shma nazorati haqidagi Vena bitimiga rioya qilmayapti.
O‘tgan hafta bu yil YeXHT raisi lavozimini egallab kelayotgan Germaniya tashqi ishlar vaziri Frank-Valter Shtaynmayer Rossiya bilan qurol-yarog‘ ustidan nazorat haqida yangi shartnoma tuzishni taklif qilgandi. U YeXHTning 57 a’zosidan 40 tasi uning taklifini muhokama qilishga rozi bo‘lganini aytdi.
Batafsil | Подробно | Read more... Daryo