Rossiyaning parvozlarni cheklash bo‘yicha qaror bekor qilinganidan keyingi birinchi charter reysi Antaliyaga qo‘ndi

Rossiyaning Royal Flight aviakompaniyasi charter reysi 2-sentabr, juma kuni mahalliy vaqt bilan 19:55 da Antaliyaga kelib qo‘ndi. Uning bortida Turkiyaga dam olish uchun uchib kelgan 309 nafar rossiyalik bor edi, deya xabar beradi “TASS”.

Foto: “TASS”

Samolyotdan chiqish chog‘ida aeroport xodimlari har bir mehmonga ikki mamlakat o‘rtasida charter aviaqatnovi tiklanishi munosabati bilan Turkiya hamda Rossiya bayroqlari rangidagi lentalar taqdim etdi. Terminal ichida rossiyaliklar uchun kichik qabul tashkil etildi. Sayyohlarni Antaliya gubernatori o‘rinbosari Sardor Javharo‘g‘li, aeroport rahbariyati va ushbu reys bilan uchib kelganlar mijozlari bo‘lgan ikki agentlik vakillari kutib oldi.
Ma’lumot uchun, Rossiya va Turkiya o‘rtasidagi charter aviaqatnovi 2015-yil noyabrida, turk harbiy-havo kuchlari tomonidan Rossiya bombardimonchisi urib tushirilganidan so‘ng to‘xtatilgandi.
Batafsil | Подробно | Read more... Daryo