ShHT bosh kotibi: Islom Karimov shaxsi ko‘lamiga tarix va avlodlar munosib baho beradi

ShHT bosh kotibi Rashid Alimov O‘zbekiston Respublikasi birinchi prezidenti vafoti haqidagi xabar xalqaro tuzilma qarorgohida chuqur qayg‘u bilan kutib olingani bildirdi. Hamdardlik matni ShHT Kotibiyati tomonidan tarqatildi, deya xabar beradi “Gazeta.uz”.

Foto: O‘zbekiston Respublikasi TIV

“Islom Karimov shaxsi ko‘lamiga tarix va avlodlar munosib baho beradi. U buyuk shaxs, dono va zukko davlat arbobi edi. Prezident Karimov Markaziy Osiyo mintaqasida barqarorlik va xavfsizlikni ta’minlash, terrorizm, ekstremizm va ayirmachilik bilan keskin kurashish masalalariga alohida e’tibor berardi. 
U Shanxay hamkorlik tashkiloti vujudga kelishida ishtirok etganlardan biri edi va uning rivojlanishida salmoqli hissa qo‘shdi. 2016-yil iyunida Islom Abdug‘aniyevich raisligida Toshkentda o‘tgan ShHT sammiti uning shaxsi nechog‘li beqiyos ko‘lamga ega ekanligi va yuksak xalqaro obro‘-etiborini namoyish etdi”, — deya ta’kidladi Rashid Alimov.
ShHT bosh kotibi O‘zbekiston Respublikasi hukumati va o‘zbek xalqi, shuningdek, marhumning yaqinlariga samimiy hamdardlik bildirdi. 
Eslatib o‘tamiz, oldinroq Islom Karimov vafoti munosabati bilan ShHT bosh qarorgohida bayroqlar tushirilgani haqida xabar berilgandi . 
Batafsil | Подробно | Read more... Daryo