OTB O‘zbekiston iqtisodiy rivojining 2015—2016-yillarga doir prognoz ko‘rsatkichlarini saqlab qoldi

Osiyo Taraqqiyot banki (OTB) 2015 va 2016-yillarda O‘zbekistonda yalpi ichki mahsulot (YaIM) hajmi o‘sishi ko‘rsatkichlariga doir prognozlarini ma’lum qildi, deya xabar bermoqda UzDaily.

Foto: ABC News

OTBning “Osiyo taraqqiyotining yangilangan sharhi” nashrida keltirilgan ma’lumotlarga ko‘ra, O‘zbekiston yalpi ichki mahsuloti hajmi 2015-yilda 7 foizga, 2016-yilda esa 7,2 foizga o‘sadi.
OTB prognoziga ko‘ra, O‘zbekistonda inflyatsiya darajasi 2015-yilda 9,5 foizni, 2016-yilda esa 10 foizni tashkil etadi. Bundan tashqari, 2015-yilda joriy operatsiyalar hisobi bo‘yicha ijobiy saldo 2015-yilda YAIMga nisbatan 0,9 foiz, 2016-yilda esa 1,1 foiz miqdorida saqlanib qoladi.
“Osiyo taraqqiyoti sharhi” va “Osiyo taraqqiyotining yangilangan sharhi” Osiyo Taraqqiyot bankining asosiy iqtisodiy nashrlari bo‘lib, unda Osiyo va Tinch okeani mintaqasidagi mamlakatlarning iqtisodiy holati tahlili va ularga taalluqli prognozlar berib boriladi.
Batafsil | Подробно | Read more... Daryo