2016-yilgi Olimpiada o‘yinlarida terakt tayyorlashda gumonlanuvchilar Rio-de-Janeyro suvini zaharlashni rejalashtirgan

Rio-de-Janeyrodagi Olimpiada o‘yinlari vaqtida terakt tayyorlashda gumon qilinib iyul oyida hibsga olingan Braziliya fuqarolari o‘z maqsadlariga erishish uchun kimyoviy moddalarni qo‘llashni rejalashtirgan. Bu haqda 2-sentabr, juma kuni Globo telekanali ma’lum qildi, deya xabar bermoqda “TASS”.

Foto: “Vesti.az”

Telekanalning ma’lum qilishicha, ular Rio-de-Janeyrodagi vodoprovod suvi rezervuarlarini zaharlashni rejalashtirgan.
Tergovchilar tegishli ma’lumotni hibsga olinganlar onlayn-messenjerlar vositasida almashgan xabarlarni o‘rganib chiqish natijasida qo‘lga kiritgan.
21-iyul kuni Braziliya politsiyasi IShID terrorchilik tashkiloti bilan aloqadorlikda va Rio-de-Janeyrodagi Olimpiada o‘yinlarida teraktlar tayyorlashda gumonlangan kishilar guruhini hibsga olgan edi . Mamlakatning o‘nta shtatida yirik ko‘lamli aksilterrorchilik operatsiyasi o‘tkazilgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo