Braziliya sudiga Russeffning davlat xizmatida ishlash huquqini saqlab qolish qarori ustidan allaqachon 10 ta apellyatsiya berildi

Braziliya oliy federal sudiga parlament yuqori palatasining mamlakat sobiq prezidenti Dilma Russeffning impichmentdan so‘ng davlat lavozimlarini egallash va davlat muassasalarida ishlash huquqini saqlab qolish haqidagi qarori ustidan allaqachon o‘nta shikoyat kelib tushdi. Bu haqda 2-sentabr, juma kuni Globo telekanali ma’lum qildi, deya xabar bermoqda “TASS”.

Foto: “TASS”

Mazkur masalaga taalluqli oxirgi da’vo Braziliyaning yangi prezidenti Mishel Temerning koalitsiyasi tarkibiga kirgan siyosiy kuchlar tomonidan imzolangan.
“Iste’foga chiqarilgan prezidentni biror bir davlat lavozimiga tayinlash ehtimoli katta ijtimoiy beqarorlikni yuzaga keltirishi va huquqiy xavfsizlikka tahdidni o‘z ichiga olishi mumkin”, — deyiladi hujjatda.
Braziliya Federal sudining ikki sudyasi — Jilmar Mendes va Selsu di Mellu senatorlarning ushbu qarori qonuniyligini shubha ostiga oldi.
Batafsil | Подробно | Read more... Daryo