“Ermina” po‘rtanasi tufayli AQShning besh shtatida favqulodda holat e’lon qilindi

AQShning besh shtati – Florida, Jorjiya, Shimoliy Karolina, Virjiniya va Merilendda “Ermina” po‘rtanasi tufayli favqulodda holat e’lon qilindi, deb xabar bermoqda “TASS”.

Foto: The Telegraph

Florida, Jorjiya va Shimoliy Karolinada favqulodda holat 1-sentabr, payshanba kuni joriy etilgandi. Virjiniya va Merilendda bir sutka o‘tib ushbu holat e’lon qilindi. Ayni vaqtda “Ermina” shimoli-sharq yo‘nalishida, soatiga 30 kilometr tezlikada harakatlanmoqda.
Tabiiy ofatning eng kuchli zarbasi Florida shtatiga to‘g‘ri kelgan. Tampa, Tallaxassi va boshqa shaharlarning ko‘chalari suv bilan toshgan, daraxlar o‘pirilgan, elektr tarmoqlari uzilgan. O‘nlab odamlar evakuatsiya qilingan. “Ermina” oqibatida 300 mingga yaqin uy-joylar elektr tarmog‘isiz qolgan.
Atlantikada po‘rtanalar mavsumi 1-iyundan 30-noyabrgacha davom etadi.
Batafsil | Подробно | Read more... Daryo