Obama: Rossiya tomonidan yon berishsiz Suriya masalasida oldinga siljish mushkul

AQSh prezidenti Barak Obama AQSh va Rossiya o‘rtasida Suriya masalasida hozirgacha jiddiy kelishmovchiliklar mavjudligi, Moskva tomonidan yon berishlarsiz olg‘a siljish mushkul ekanligini ma’lum qildi. Bu haqda u Xitoyning Xanchjou shahrida bo‘lib o‘tayotgan G20 sammitida, Buyuk Britaniya bosh vaziri Tereza Mey bilan birgalikda o‘tkazilgan matbuot anjumanida ma’lum qildi, deya xabar beradi “Kommersant”.

Foto: AP Photo

“Biz Suriyada qo‘llab-quvvatlayotgan tomonlar va ushbu davlatda tinchlik o‘rnatilishi uchun zarur jarayon yuzasidan ruslar bilan jiddiy kelishmovchiliklar mavjud. Rossiya tomonidan zo‘ravonlikni kamaytirish va gumanitar yo‘nalishni ta’minlash borasida yon berishlarsiz ixtilofga barham berishning keyingi bosqichiga qanday o‘tilishini tasavvur etish mushkul”, — deya ta’kidladi Obama. 
Shuningdek, AQSh prezidenti Rossiya bilan muzokaralar Suriyadagi mojaroni bartaraf etish jarayonining asosiy qismi ekanligini ma’lum qildi. 
Batafsil | Подробно | Read more... Daryo