Xitoylik tadbirkor shaxsiy foydalanishi uchun 325 million dollarga Boeing 787 Dreamliner samolyotini xarid qildi

Nomi oshkor etilmagan xitoylik tadbirkor shaxsiy foydalanishi uchun Boeing 787 Dreamliner samolyotini xarid qilishga 325 million dollar sarfladi. Bu haqda “Beyszin sinnyanbao” gazetasi ma’lum qildi, deya xabar bermoqda “TASS”.

Foto: AP Photo

Samolyot buyurtmachining o‘ziga xos istaklarini hisobga olgan holda tayyorlangan. Havo kemasining borti mehmonxona, oshxona, ovqatlanish xonasi, yotoqxona va tibbiy xonalarga ajratilgan.
Samolyotni qayta ishlagan firma vakilining ma’lum qilishicha, buyurtmachi samolyotni o‘z ehtiyojlariga mos jihozlash uchun qo‘shimcha 100 million dollar sarflagan.
Boeing 787 Dreamliner — keng fyuzelyajli ikki dvigatelli reaktiv yo‘lovchi samolyoti bo‘lib, Amerikaning Boeing kompaniyasi tomonidan ishlab chiqarilgan. Kompaniyaning qayd etishicha, Dreamliner avvalgi modellarga qaraganda ancha tejamkor.
Batafsil | Подробно | Read more... Daryo