Paragvay va Belgiyani mag‘lub etgan o‘zbekistonlik shaxmatchi qizlar Rossiya terma jamoasiga imkoniyatni boy berdi

Ozarbayjon poytaxti Bokuda bo‘lib o‘tayotgan 42-Butunjahon Shaxmat Olimpiadasida O‘zbekiston terma jamoasi qizlari Rossiyaga imkoniyatni boy berdi, deb yozdi “Olamsport”.

Foto: Sportbox.az

Nafisa Mo‘minova va Gulruhbegim Tohirjonova mos ravishda Aleksandra Kostenyuk hamda Valentina Guninaga yutqazdi. Yana ikki nafar o‘zbekistonlik shaxmatchi qiz — Irina Gevorkyan hamda Sarvinoz Qurbonboyeva durang o‘ynadi. Umumiy hisob — 1:3.
O‘zbekiston terma jamoasi Olimpiadaning dastlabki turida Paragvayni 4:0 hisobida mag‘lub etgan bo‘lsa, ikkinchi kuni Belgiyani 3:1 hisobida taslim qilgandi.
5-sentabr kuni Avstriya termasiga qarshi dona suradigan O‘zbekiston qizlar terma jamoasi ayni paytda 36-o‘rinni egallab turibdi.
Batafsil | Подробно | Read more... Daryo