Samsung kompaniyasi Galaxy Note 7’ni chaqirib olish natijasida 1 mlrd dollar yo‘qotadi

Janubiy Koreyaning Samsung kompaniyasi akkumulyator portlashi xavfi tufayli 2,5 millionta Galaxy Note 7 smartfonini chaqirib olishi kerak, deb yozadi “TASS”.

Foto: EPA

Bloomberg agentligi Credit Suisse Group AG, Daishin Securities Co. va Pelham Smithers Associates tahlilchilari hisob-kitoblarini keltirib o‘tdi, ular Samsung’ning talafotini 1 milliard dollar yoki undan kamroqqa baholamoqda. Kompaniyaning o‘zidagilar global chaqirib olishdan ko‘riladigan zarar qancha bo‘lishini aytmadi, ammo u “yurakni achitadigan” bo‘lishini ta’kidladi.
Agentlik qayd etishicha, muvaffaqiyatsizlik kompaniyaga noqulay paytda yog‘ildi: Galaxy S7 flagman smartfoni savdosi o‘sayotgan bir vaqtda kompaniya aksiyalari o‘tgan oyda rekord darajagacha ko‘tarilgan, kompaniyaning choraklik foydasi so‘nggi ikki yil ichidagi rekordni urgan edi.
Samsung 2016-yilda 20,6 milliard dollar miqdorida sof foyda olishni ko‘zda tutayotgan edi. Agentlik ta’kidlashicha, 1 milliard dollar talafot ushbu summaning 5 foizidan ham oshmaydi. Bundan tashqari, smartfonlarni chaqirib olishdan yetgan zararning bir qismini Samsung’ning akkumulyatorlar chiqarish bilan shug‘ullanuvchi sho‘ba korxonasi ko‘tarishi mumkin.
Galaxy Note 7 savdosi AQShda 16-avgust kuni boshlangan edi. Smartfonlar qaytarib olinishi va sotuv to‘xtatilishi haqida esa 2-sentabrda e’lon qilindi .
Batafsil | Подробно | Read more... Daryo