Oziq-ovqatlarni taniy oladigan sovitgich yaratildi

Microsoft xodimlari Liebharr kompaniyasi bilan hamkorlikda SmartDeviceBox sovitgichini ishlab chiqdi, u mahsulotlarni aniqlay oladi va do‘kondan nimadir sotib olish zaruriyati haqida eslatadi, deya xabar bermoqda “Hi-tech.mail.ru” loyiha ishtirokchisi Timoti Xeyzenning blogiga tayanib.

Foto: “Hi-tech.mail.ru”

Muhandislar guruhi oddiy kameralardan va obyektlarni tanib olish bo‘yicha elektron tizimdan foydalandi. Kompyuter yangi mahsulotning tashqi qiyofasini xotirasiga kiritilgan tasvirlar bilan taqqoslaydi. Ammo to‘liq ko‘lamda ishlashi uchun SmartDeviceBox internetga ulanishi kerak.
Shu tariqa, sovitgich ichidagi narsalarni hisobga olish avtomatik rejimda yoki bo‘lmasa, telefon yoki planshet yordamida masofadan turib amalga oshiriladi. Shuningdek, tizimga mahsulotlarning yaroqlilik muddatini kuzatib borish yoki foydalanuvchiga do‘konga borib kelishni eslatishga o‘rgatish mumkin.
Hozircha loyiha ishlab chiqish bosqichida turibdi, ammo hozirdanoq tizim mahsulotlarni bir ondayoq aniqlamoqda va tez o‘rganmoqda.
Batafsil | Подробно | Read more... Daryo