OAV: Yamanda uchuvchisiz uchar qurilma “Al-Qoida”ning 6 jangarisini yo‘q qildi

Yamanda “Al-Qoida” guruhining 6 nafar jangarisi AQShning uchuvchisiz uchar qurilmasining aviahujumi oqibatida yo‘q qilingani taxmin qilinmoqda. Bu haqda Reuters agentligiga tayanib, “TASS” xabar bermoqda .

Foto: Reuters

Xabarda qayd etilishicha, AQShning ehtimoliy uchuvchisiz uchar qurilmasi Yamanning Marib viloyatidagi uylardan birida berkinib o‘tirgan “Al-Qoida” ekstremistik guruhining 6 a’zosini yo‘q qildi.
Biroq AQSh qurolli kuchlarining Markaziy qo‘mondonligi ushbu xabarni tasdiqlamadi. “Biz voqeadan xabardormiz va uni o‘rganyapmiz. Hozircha boshqa hech qanday qo‘shimcha ma’lumot bera olmayman”, – deya ma’lum qildi matbuot xizmati vakili.
So‘nggi oylarda AQSh qurolli kuchlarining Markaziy qo‘mondonligi Yaman osmonida jangovar va razvedkachi uchuvchisiz uchar qurilmalar yordamida bir necha bor aksilterror operatsiyalarini o‘tkazgan.
Batafsil | Подробно | Read more... Daryo