Amerikalik bokschi bolani qutqarish maqsadida it bilan mushtlashdi

Amerikalik sobiq bokschi Dennell Nikolson 19-sentabr, shanba kuni o‘z hayotidagi eng muhim jangni o‘tkazdi. “Korrespondent.net”ning yozishicha , ushbu jang ringda emas emas, balki 8 yoshli bolakayga tashlangan tajovuzkor pitbulga qarshi bo‘lib o‘tdi.

Foto: “Korrespondent.net”

“Mashinaga o‘tirgan vaqtim kichik bolaning baqir-chaqirini eshitdim. Ortga o‘girilib qaraganimda, bir it bolakayni yerga ag‘anatib, unga tashlanayotganini ko‘rdim. Itni boladan ajratib olish uchun unga otildim va oxir-oqibatning itning jahlini o‘zimga qaratishga erishdim. Baxtimga, boksdagi ma’lum ko‘nikmalarim hali ham saqlanib qolgan va ular menga qo‘l keldi”, — dedi Dennell Nikolson.

Foto: “Korrespondent.net”

Xabar berishlaricha, pitbulga qarshi jangda 47 yoshli Nikolson chap qo‘li va har ikkala oyog‘idan jiddiy jarohat olgan. Bolaning jarohatlari yanada jiddiy ekanligi aytilmoqda, biroq uning hayotiga hech qanday xavf yo‘q.
Batafsil | Подробно | Read more... Daryo