O‘zbekiston milliy kutubxonasida ochiq eshiklar haftaligi bo‘lib o‘tmoqda

Alisher Navoiy nomidagi O‘zbekiston Milliy kutubxonasida 9-sentabrga qadar ochiq eshiklar haftaligi bo‘lib o‘tadi. Bu haqda kutubxona matbuot xizmati xabar berdi .

Foto: O‘zbekiston milliy kutubxonasi

Haftalik doirasida kutubxona bo‘ylab uning imkoniyatlari va resurslari bilan tanishtiruvchi ekskursiyalar, taqdimotlar, ilmiy-ta’limiy xorijiy elektron bazalar bilan ishlash bo‘yicha treninglar tashkil etiladi.
Tashrif buyuruvchilarga Milliy kutubxona tarixi va faoliyati to‘g‘risidagi hujjatli film namoyish etilmoqda. Ochiq eshiklar haftaligi tadbirlarida qatnashish bepul (kirish pasport bilan).
“Gazeta.uz”ning yozishicha , kutubxonada ro‘yxatdan o‘tishni xohlovchilar aksiya ishtirokchisi bo‘lishi mumkin — ro‘yxatdan o‘tgan har 25-foydalanuvchiga esdalik sovg‘alari topshiriladi. Ro‘yxatdan o‘tish narxi — 5000 so‘m.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo