“O‘zbekiston havo yo‘llari”ning “Orzu layneri” ilk xalqaro parvozini Qozog‘istonga amalga oshiradi

“O‘zbekiston havo yo‘llari” milliy aviakompaniyasining “Orzu layneri” — Boeing 787 Dreamliner 9-sentabr kuni o‘zining ilk xalqaro parvozini amalga oshiradi.

Foto: “Gazeta.uz”

Milliy aviakompaniya matbuot xizmati xabariga ko‘ra , layner 9-sentabr kuni mahalliy vaqt bilan 19:10 da Toshkentdan Olmaotaga uchib, 21:40 da manzilga yetadi.
22:40 da esa Olmaotadan Toshkent yo‘nalishi bo‘ylab havoga ko‘tariladi va 23:20 da O‘zbekiston poytaxtiga yetib keladi.
Eslatib o‘tamiz, 30-avgust kuni O‘zbekistonga yetib kelgan yangi samolyot 5-sentabr kuni ichki yo‘nalishlarda dastlabki reyslarini amalga oshirgan edi .
Qayd etish joiz, mazkur layner 9-sentabr kuni mahalliy yo‘nalishlarda ham parvoz qilishi rejalashtirilgan. Jumladan, 9-sentabr kuni Dreamliner mahalliy vaqt bilan 8:10 da Toshkentdan Navoiyga, 9:55 da Navoiydan Nukusga, 12:00 da esa Nukusdan Toshkentga uchishi ko‘zda tutilgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo