iPhone 7 va 7 Plus smartfonlari rasman taqdim etildi (foto)

Apple kompaniyasi yangi — iPhone 7 va 7 Plus smartfonlarini rasman taqdim etdi, deya xabar bermoqda “Hi-tech.mail.ru”.

Foto: “Hi-tech.mail.ru”

Apple smartfonlari dizaynidagi asosiy o‘zgarish — iPhone 7 va 7 Plus orqa korpusdagi plastik detallardan deyarli butunlay xalos bo‘ldi. Ular yon tomonga yaqin joyga ko‘chdi, va endi smartfonlar yaxlitroq ko‘rinish oldi. Korpus shisha va alyuminiydan, orqa panel esa to‘liq shisha (metall asosli).

Foto: “Hi-tech.mail.ru”

Endi iPhone IPX7 standarti bo‘yicha chang va suvdan himoyalangan, bu shuni bildiradiki, ularni qisqa vaqtga chuchuk suvga 30 sm chuqurlikkacha botirib turish mumkin, bu uning ish qobiliyatiga ta’sir qilmaydi.
Smartfonning ranglari qatoriga Black — jiloli qora va Jet Black qoplamasi qo‘shildi, u antennalar ko‘rinmasligini ta’minlaydi.

Foto: “Hi-tech.mail.ru”

4,7 dyuymli iPhone 7 va 5,5 dyuymli iPhone 7 Plus o‘z hajmiga ko‘ra, “aka”laridan farq qilmaydi, ammo ekranlarning o‘zi yaxshilandi: yorqinlik darajasi 25 foizga oshdi, endi to‘g‘ridan-to‘g‘ri quyosh nurlari ostida ekranda o‘qish va rasm ko‘rish osonroq bo‘ldi. Ekranlar tegishli ravishda 1334×750 va 1920×1080 pikselli.

Foto: “Hi-tech.mail.ru”

Shuningdek, iPhone 7 kattalashtirilgan hajmdagi 12 megapikselli, iPhone 7 Plus esa qo‘sh kameraga (u ham 12 megapikselli) ega bo‘ldi. Ikkinchi modul keng burchakli bo‘lib, panoramalar yaratishda qo‘llaniladi. Umuman olganda, kameralar yetarlicha yoritilmagan sharoitda yaxshiroq suratga oladigan bo‘ldi.
iPhone 7 va 7 Plus’ga kutilganidek, yangi, 2,2 GGs chastotali Apple A10 protsessorlari o‘rnatildi. Kichik versiya 2 Gb, kattasi esa 3 Gb tezkor xotiraga ega bo‘ldi. Ichki xotiralari esa 32, 128 va 256 Gb hajmda bo‘ladi. microSD uchun slot hamon mavjud emas.
Apple smartfonlari akkumulyatorlari sig‘imi an’anaviy tarzda oshkor qilinmadi — sahnada uning kattalashgani ma’lum qilindi, xolos.

Foto: “Hi-tech.mail.ru”

Apple yangi iPhone’larda 3,5 millimetrlik razyomdan voz kechdi. Port o‘rnida ikkinchi dinamik paydo bo‘ldi, shunday ekan, endi smartfonlarda kuchli stereotovushdan bahramand bo‘lish mumkin. Simli naushniklarni Lightning portiga ulash mumkin. Eski 3,5 millimetrli naushniklar o‘tkazgich (perexodnik, sotuvda bor) orqali ulanadi.
iPhone 7 va 7 Plus lazerli datchik bilan jihozlandi, u masofadan turib imo-ishoralar bilan boshqarish imkonini beradi. Home tugmasi bosim kuchini sezadigan bo‘ldi. Bundan tashqari, iOS 10 o‘rnatilgan iPhone’ni ko‘targaningizda, endi u blokdan chiqadi.
Batafsil | Подробно | Read more... Daryo