London meri Buyuk Britaniya poytaxtining eng nufuzli fuqarolari ro‘yxatini boshqardi

Evening Standard nashri tomonidan tuzilgan poytaxtning eng nufuzli fuqarolari ro‘yxatida London meri Sodiq Xon bosh vazir Tereza Mey va qirollik oilasi a’zolarini ortda qoldirib, birinchi o‘rinni egalladi. Bu haqda “RIA Novosti” xabar bermoqda . 

Foto: AP Photo

“Noshirlar, tanqidchilar va ekspertlardan iborat hakamlar hay’ati muhojir haydovchi o‘g‘li bo‘lgan janob Xonni Londonning butundunyo imkoniyatlar poytaxti sifatidagi ajoyib ramzi deb topdi. Uning may oyidagi saylovlarda yorqin g‘alaba qozonganidan beri havo sifatini yaxshilash, arzon turar-joy qurish va Brexit’dan imkon qadar foyda olishga qaratilgan harakatlari ro‘yxatda peshqadamlik qilishini ta’minladi”, — deya o‘z qaroriga izoh bergan gazeta. 
Ro‘yxatning kuchli o‘nligida xonanda Adel va tashqi ishlar vaziri Boris Jonsonni ham ko‘rish mumkin. Astronavt Tim Pik esa ilk bor mazkur reytingdan joy oldi (12-o‘rin). 
Batafsil | Подробно | Read more... Daryo