Samarqandda Iste’molchilar huquqlarini himoya qilish jamiyatlariga murojaatlar natijasida 212 million so‘m iste’molchilarga qaytarildi

Joriy yilning o‘tgan davrida Samarqand viloyati Iste’molchilar huquqlarini himoya qilish jamiyatlari hududiy birlashmasiga 355 iste’molchi o‘z huquqini tiklashni so‘rab murojaat qildi, deya xabar berdi  “Zarafshon” gazetasi.

Foto: UZ24

Murojaatlarning 331 tasi iste’molchilar foydasiga hal etildi. Natijada 212 million so‘mdan ziyod mablag‘ iste’molchilar foydasiga qayta hisob-kitob qilindi. Iste’molchilar tomonidan tushgan shikoyatlarning 158 tasi tabiiy gaz ta’minotida yuzaga kelayotgan muammolar, jumladan, asossiz qarz va uzilishlar bilan bog‘liq.
Misol uchun, Jomboy tumanida istiqomat qiluvchi I.Rajabov va A.Ziyoqulovlar xonadonlarida foydalanilgan tabiiy gaz uchun tuman gaz ta’minot idorasi tomonidan asossiz qarzdorlik yozilganidan norozi bo‘lib murojaat qilgan. Birlashma hamda “Markazgazta’minot” unitar korxonasi vakillari tomonidan mazkur holat joyida o‘rganilib, to‘lov pattalari bo‘yicha qayta xatlov o‘tkazilganda haqiqatan ham to‘langan mablag‘ ASU bazasiga kiritilmagani oshkor bo‘ldi.
Shikoyatlarning 47 tasi savdo do‘konlari, 5 tasi ichimlik suv ta’minoti, 23 tasi aloqa xizmati, 4 tasi transport xizmati, 54 tasi elektr ta’minoti korxonalari, 2 tasi sog‘liqni saqlash va 58 tasi boshqa sohalarda yo‘l qo‘yilgan kamchiliklar xususida.
Batafsil | Подробно | Read more... Daryo