Edvard Snouden o‘zi haqidagi “Snouden” filmida suratga tushdi

AQSh Milliy xavfsizlik agentligi sobiq xodimi Edvard Snouden Oliver Stounning “Snouden” filmida suratga tushdi, deb yozadi “Gazeta.ru” kartina ijrochi prodyuseri Igor Lopatenokka tayanib.

Foto: EPA

“Edvard filmda paydo bo‘ladi, u Moskvada bir kun suratga olish ishlarida qatnashdi”, — dedi Lopatenok.
Uning so‘zlariga ko‘ra, suratga olish ishlari asosan Myunxenda, shuningdek, Gavayi orollari, Gonkong va Vashingtonda (Snouden u yerga bora olmagan) bo‘lib o‘tgan. Film ustida ishlash davomida rejissor Snouden bilan jami o‘nga yaqin marta uchrashgan.
“Bosh rol ijrochisi Jozef Gordon-Levitt ham Edvard bilan uchrashdi”, — deya ta’kidladi Lopatenok. Uning qo‘shimcha qilishicha, Snouden filmni ko‘rib, uni ma’qullagan.
Bundan tashqari, filmning rossiyalik tomoshabinlar uchun mo‘ljallangan versiyasi AQShda katta ekranlarga chiqadigan variantdan to‘rt daqiqa uzoqroq davom etadi. “AQShdagi prokat uchun nimani kesib tashlashgani — hozircha sir”, — dedi Lopatenok.
Batafsil | Подробно | Read more... Daryo