AQShda salonida Galaxy Note 7 smartfoni portlab ketgan yo‘ltanlamas yonib ketdi

Amerikaning Florida shtatida Galaxy Note7 smartfonining portlab ketishi yo‘ltanlamasning yonib ketishiga sabab bo‘ldi. Bu haqda Time jurnali ma’lumotiga tayanib, “RIA Novosti” xabar bermoqda .

Foto: Facebook/ Nathan Lydia Dornacher

Hodisa erkak smartfonini avtomobilida quvvat oldirish uchun qoldirib ketgandan so‘ng yuz berganligi ta’kidlanmoqda.
“Dam olish kunlarimda barbekyuni istamagan edim”, — deb yozdi avtomobil egasi Neyten Dornaxar Facebook ijtimoiy tarmog‘idagi sahifasida. U, shuningdek, olov ichida qolgan avtomobili suratlarini sahifasiga joylashtirdi.
Galaxy Note 7 smartfonlarining sotuvi dunyoning o‘nta mamlakatida 19-avgust kuni boshlangan edi. OAVlar Samsung batareyalarning portlab ketish ehtimoli tufayli Galaxy Note 7 ning sotuvini to‘xtatib turishini ma’lum qildi. Shundan so‘ng kompaniya barcha Galaxy Note 7 smartfonlarini yangisiga bepul almashtirib berishini ma’lum qildi .
Batafsil | Подробно | Read more... Daryo