Malavidagi YTH oqibatida 15 kishi halok bo‘ldi

Malavida yuz bergan yo‘l-transport hodisasi oqibatida 15 kishi halok bo‘ldi va 40 kishi turli darajada tan jarohati oldi. Bu haqda “TASS” xabar bermoqda .

Foto: Malawi24

Bir samosval va ikki mikroavtobus ishtirokidagi avariya 10-sentabr kuni Malavi shimolidagi Mzuzu shahrida yuz bergan.
“Sinxua” axborot agentligi ma’lumotiga ko‘ra, qurilish kompaniyasi mashinasi ikki mikroavtobusga borib urilgan, mikroavtobuslarning birida maktab o‘quvchilari bo‘lgan.
Qayd etishlaricha, to‘qnashuvdan qochish maqsadida keskin burilishni amalga oshirgan mikroavtobuslardan birining orqa eshiklari ochilib, u yerdan yo‘lovchilar uchib chiqib ketgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo