Polshada prezident Kachinskiy samolyoti halokati haqidagi “Smolensk” filmi ekranlarga chiqdi

Polshada 2010-yili Rossiyaga yo‘l olgan prezident Lex Kachinskiy va uning hamrohlari Smolensk viloyatida aviahalokat qurbon bo‘lishiga bag‘ishlangan Smolensk badiiy filmi ekranlarga chiqdi. Bu haqda “Kommersant.ru” xabar bermoqda .

Foto: Reuters

Film rejissori Antoni Krauze premyera arafasida kartinada tarix badiiylashtirilmagani, unda Smolensk fojiasi haqida bor haqiqat jamlanganini bildirdi. U samolyot bortida portlash ro‘y bergani haqidagi taxminga ishonishini yashirmadi.
Film syujeti Polsha telekanalining qurbonlar yaqinlari, rasmiylar vakillari va aviahalokat guvohlari bilan muloqotda bo‘lib, reportaj uchun material to‘playotgan Nina ismli muxbir ishi atrofida qurilgan. Unga hujjatli syomka kadrlari, aviahalokatdan so‘ng bo‘lib o‘tgan tadbirlardan (Varshavadagi motam mitinglari, prezident va uning turmush o‘rtog‘i dafn marosimlari, Polsha prokuraturasi va Xalqaro aviatsiya qo‘mitasi matbuot anjumanlari) reportajlar kiritilgan.
Batafsil | Подробно | Read more... Daryo