Xorvatiyada muddatidan ilgarigi parlament saylovlari boshlandi

Xorvatiyada 11-sentabr, yakshanba kuni mahalliy vaqt bilan soat 7:00 da to‘qqizinchi chaqiriq parlamentiga muddatidan ilgarigi saylovlar boshlandi. Mamlakatda va xorijda saylovchilar uchun 6,9 ming saylov uchastkalari ochildi, deb xabar beradi “TASS”.

Foto: EPA

3,8 million fuqaro ushbu saylovlarda ovoz berish huquqiga ega bo‘lib, ularning 59,4 ming nafari mamlakat hududida doimiy yashamaydi. Gap asosan Bosniya va Gersogovina haqida ketmoqda — u yerdagi xorvatlar ikkita fuqarolikka ega.
Xorvatiyaning umumiy aholisi — 4,253 million kishi.
Saylovlarda 174 partiya va uch mustaqil ro‘yxatdan o‘rin olgan 2456 nomzod ishtirok etmoqda.
Ilgariroq Xorvatiya parlamenti o‘z-o‘zini tarqatib yuborish qarorini qabul qilgan edi. Qarorni 151 deputatdan 137 nafari yoqlab chiqdi.
Batafsil | Подробно | Read more... Daryo