Olimlar birinchi marta qora tuynuk qanday hosil bo‘lishini ko‘rdi

“Xabbl”dan olingan fotosuratlar olimlarga birinchi marta Oqqush yulduz turkumidagi yirik yulduzning “oddiy” qora tuynukka aylanishi jarayonini ko‘rish imkonini berdi, deb yozadi “RIA Novosti”.

Foto: “RIA Novosti”

Qora tuynuk makon va zamondagi alohida zona bo‘lib, uning ichidagi gravitatsiya kuchlari shunchalik kuchliki, ularni yorug‘lik tezligida harakatlanayotgan obyektlar, shu jumladan, yorug‘likning o‘zi ham yengib o‘ta olmaydi.
Olimlar so‘zlariga ko‘ra, “oddiy” qora tuynuklarni, uzoq galaktikalar markazlarida joylashgan o‘ta yirik “akalari”dan farqli ravishda, osoyishta fe’l-atvori tufayli, aniqlash va o‘rganish juda qiyin.
Ularning mavjudligini ular yulduzlar nurlarini sindirishi, shuningdek, ular materiya quyqalarini yutayotgan vaqtda ajralib chiqadigan radionurlanishlar orqali bilib olish mumkin.
“Xabbl” orqali olingan suratlar astronomlarga qora tuynukning tug‘ilish jarayoni izlarini ko‘rish imkonini berdi, buni esa aslida faqat spektrning infraqizil qismidagina farqlash mumkin.
Batafsil | Подробно | Read more... Daryo