Samsung portlash xavfi bo‘lgan Galaxy Note 7 smartfonlarini masofadan turib o‘chirib qo‘yadi

Avval xabar berilganidek , Galaxy Note 7 o‘z-o‘zidan yonib ketishi bilan bog‘liq bir necha o‘nlab hodisalardan so‘ng, Samsung korporatsiyasi o‘z rasmiy saytiga qurilmani ishlatishni to‘xtatib, uni o‘chirish va almashtirish dasturidan foydalanish haqidagi da’vatni joyladi. 3DNews yozishicha , Reddit resursi sozlangan Galaxy Note 7 19-sentabrdan yetkazib berila boshlashini ma’lum qilgan.

Foto: 3DNews

Shuningdek, 30-sentabrga qadar almashtirish uchun buyurtma berilmagan smartfonlar ushbu sanadan so‘ng xavfsizlik maqsadida Samsung kompaniyasi tomonidan masofadan turib o‘chirib qo‘yiladi.
Nuqsonli Galaxy Note 7 savdolari to‘xtatildi, portlash xavfiga ega qurilmalarni xarid qilishga ulgurganlarga esa uni qayta topshirish tavsiya etildi. Masalan, AQShda amalda bo‘lgan ayirboshlash dasturiga ko‘ra, Note 7 foydalanuvchilarida ikki xil variant bor: uni o‘sha modeldagi sozlangan nusxaga almashtirish yoki uning o‘rniga Galaxy S7 yoki S7 Edge olish.
Batafsil | Подробно | Read more... Daryo