“My First President” mavzusida ingliz tilidagi insholar tanlovi e’lon qilindi

O‘zbekiston davlat Jahon tillari universiteti huzuridagi “O‘zbekistonda xorijiy tillar” nomli elektron jurnali tashabbusi bilan “My First President” mavzusida ingliz tilidagi insholar tanlovi e’lon qilindi. Bu haqda “O‘zbekistonda xorijiy tillar” elektron jurnali  xabar bermoqda .

Foto: “Fledu.uz”

Respublikaning barcha talaba-yoshlari o‘rtasidagi o‘ziga xos tanlov O‘zbekiston Respublikasining birinchi prezidenti Islom Karimov xotirasiga bag‘ishlanadi.
Unda talabalar mamlakat hayotida yuqori o‘rin tutgan buyuk shaxsning kelajak avlod uchun yaratgan imkoniyatlari, har bir yosh iste’dod uchun kerakli bo‘lgan da’vatlari, bosib o‘tgan hayot yo‘lidagi ibratli jihatlar aks ettiriladi. Insholar O‘zDJTUning ingliz tili sohasida uzoq yillik tajribaga ega bo‘lgan professor-o‘qituvchilari hamda tilshunoslardan iborat hakamlar hay’ati tomonidan mazmun, imlo va originallik ko‘rsatkichlari bilan saralanib, “O‘zbekistonda xorijiy tillar” internet portalining maxsus ruknida e’lon qilinadi.
Eng yaxshi deb topilgan insholar O‘zDJTU va “Fledu.uz” portali hamkorligida nashr etilishi ko‘zda tutilayotgan alohida to‘plamdan joy oladi.
Insholar 2016-yil 16-sentabrga qadar qabul qilinadi .
Batafsil | Подробно | Read more... Daryo