Buyuk Britaniyada sikxlar ibodatxonasini garovga olgan 55 kishi hibsga olindi

Buyuk Britaniya politsiyasi turli dinlar o‘rtasidagi to‘y marosimini buzish uchun qilichlar bilan qurollanib, sikxlar ibodatxonasini garovga olgan 55 kishini hibsga oldi. Bu haqda The Telegraph nashri xabar berdi, deb yozadi “RBK”.

Foto: New Inform

Hodisa Royal-Lemington-Spa shahrida yuz berdi. Bir necha o‘n kishi nikoh marosimi o‘tishi lozim bo‘lgan ibodatxonaga bostirib kirgan. Bino sakkiz soat qamal qilingandan so‘ng, garovga oluvchilar hibsga olingan.
Garovga oluvchilar guruhi reyd an’anaviy nikoh marosimining buzilishiga qarshi tinch namoyish bo‘lganligini ma’lum qilgan. Hujum uyushtirilgan ibodatxonada o‘tkazilishi kerak bo‘lgan nikoh marosimi ishtirokchilaridan biri sikx ta’limoti tarafdori bo‘lmaganligi aytilmoqda.
Mahalliy politsiya rasmiy saytida hodisa terrorchilik akti sifatida ko‘rib chiqilmasligi ma’lum qilingan.
Batafsil | Подробно | Read more... Daryo