Zimbabve prezidenti o‘zining haykalini ochib berdi

Zimbabve prezidenti Robert Mugabe o‘zi aks etgan haykalni ochib berdi. Yodgorlikda mamlakat yetakchisi musht qilib tugilgan qo‘li boshi ustida ko‘tarilgan holda tasvirlangan, deya xabar beradi “TASS”.

Foto: The Zimbabwean

Haykalning balandligi 3,8 metr bo‘lib, uni yaratishga yarim yildan ko‘proq vaqt ketdi. Haykaltarosh Domenik Benxurning ta’kidlashicha, “prezident — birinchi raqamli shaxs, shu bois yodgorlik kuchli tassurot qoldirishi” zarur.
Biroq jamoatchilik bu haykalga “Simpsonlar uslubidagi supermen” deya nom berib, ijtimoiy tarmoqlarda uning ustidan kulmoqda. Tanqidchilarning boshqa bir guruhi mazkur yodgorlikni yaratib, “muallif ijodiy suiqasdga yo‘l qo‘ygani”ni bildirmoqda.
Eslatib o‘tamiz, 92 yoshli Mugabe dunyodagi eng keksa davlat rahbari bo‘lib, mamlakat mustaqillikka erishgan 1980-yildan beri Zimbabveni boshqarib keladi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo