Toshkentda sellofanga o‘ralgan Matiz sotuvga chiqdi (foto)

Facebook’dagi “Voditeli Tashkenta” guruhiga Sirg‘ali bozorida sotuvga qo‘yilgan Matiz avtomashinasi surati  joylandi , unda avtomobil sellofanga o‘rab qo‘yilganini ko‘rish mumkin. Post foydalanuvchilarning qizg‘in bahslariga sabab bo‘ldi.

Foto: Facebook / “Voditeli Tashkenta”

Fikr bildirganlarning ko‘pchiligi hazilomuz qochirimlar qilgan. Chunonchi, kimdir Matiz’ga kostyum-shim kiydirib qo‘yishni tavsiya qilgan bo‘lsa, boshqasi g‘ildiraklari ostiga g‘isht yetishmayotganini pisanda qilgan, yana biri gilam ham to‘shab qo‘yish kerakligini yozgan.

Foto: Facebook / “Voditeli Tashkenta”

Ba’zi foydalanuvchilar esa bu yerda kuladigan narsa yo‘qligi, Matiz tez chang bo‘ladigan rangda ekanligi tufayli vaqtinchalik o‘rab qo‘yilganligi — bu esa oddiy hol ekanligini ta’kidlagan.

Foto: Facebook / “Voditeli Tashkenta”

Guruh a’zolarining ba’zilari mashinasini reklama qilib berganliklari uchun Matiz egasidan ziyofat undirish kerak ekanligini hazilomuz qayd etgan.
Batafsil | Подробно | Read more... Daryo