Lola Karimova-Tillayeva: Toshkentning Farg‘ona yo‘li ko‘chasidagi qayta qurilgan jome’ masjidiga “Islom ota” nomi berildi (foto va video)

Toshkentning Farg‘ona yo‘li ko‘chasida joylashgan, shahardagi eng qadimiylaridan biri hisoblangan jome’ masjidining yangilangan binosi qurilishi tez kunlarda nihoyasiga yetadi. Bu haqda O‘zbekiston Birinchi Prezidenti Islom Karimovning qizi Lola Karimova-Tillayeva Instagram’dagi sahifasida ma’lum qildi .



“Masjid binosi 2015-yil bahorida sodir bo‘lgan yong‘in natijasida deyarli butkul vayron bo‘lgan edi. Ushbu masjidni qayta tiklashdek savobli ishni bajarish baxtini men va turmush o‘rtog‘imga nasib aylagani uchun mehribon Parvardigorga beadad shukronalar va hamdu-sanolar aytaman”, — deb yozdi Lola Karimova-Tillayeva.


IIV Toshkentdagi “Jo‘rabek” jome’ masjidida sodir bo‘lgan yong‘in borasida bayonot berdi


Lola Karimova-Tillayevaning qayd etishicha, O‘zbekiston diniy ulamolari hamda keng jamoatchilik taklifiga binoan namozgohga “Islom ota” jome’ masjidi nomi berildi. “Alloh taolodan rahmatli otamning diniy qadriyatlarni tiklash, Vatan ozodligi, yurt tinchligi va el farovonligi yo‘lidagi solih amallarini qabul aylab, O‘z mag‘firatiga olishi hamda oxiratlarini obod etishini iltijo qilamiz”, — deb yozadi u.

Kadr: Instagram / @lola_tillyaeva



Kadr: Instagram / @lola_tillyaeva

Masjidni tiklash ishlari 2015-yilning oxirida boshlanib, to‘qqiz oy davom etdi. Qurilish-ta’mirlash ishlaridan so‘ng masjidning umumiy maydoni qariyb ikki barobar oshgan bo‘lib, 2900 kvadrat metrdan 5400 kvadrat metrgacha kattalashdi. Endi masjidda 560 kishi namoz amallarini ado etishi mumkin.

Kadr: Instagram / @lola_tillyaeva


Kadr: Instagram / @lola_tillyaeva


Kadr: Instagram / @lola_tillyaeva

Masjidning asosiy binosi balandligi 22,1 metrni tashkil etuvchi gumbaz, 36,65 metrlik katta minora va har birining balandligi 10,82 metr bo‘lgan to‘rtta kichik minoralardan iborat. Majmuaning loyihalashtirish va qayta tiklash ishlarida me’mor va quruvchilar Markaziy Osiyoda masjidlar qurish qoidalariga to‘liq amal qilgan.

Kadr: Instagram / @lola_tillyaeva


Kadr: Instagram / @lola_tillyaeva


Kadr: Instagram / @lola_tillyaeva

Masjid binosining ichki va tashqi tomonlaridagi ko‘plab naqshlar ham Markaziy Osiyo me’morchilik maktabi an’analariga mansub holda yaratilgan. Masjid ichkarisida gumbaz va devorlarga Qur’oni Karim oyatlari malakali hattotlar tomonidan ganch bilan ishlanib yozilgan.

Kadr: Instagram / @lola_tillyaeva


Kadr: Instagram / @lola_tillyaeva


Kadr: Instagram / @lola_tillyaeva

Yangi qurilgan majmuada kutubxona va tahorat xonalari ham barpo etildi. Imkoniyati cheklangan insonlar uchun zarur uskunalar, havoni tozalab beruvchi qurilma va konditsionerlar tizimi moslab o‘rnatildi. Masjid hovlisida dam olish joylari ham yaratildi.

Kadr: Instagram / @lola_tillyaeva


Kadr: Instagram / @lola_tillyaeva



Toshkentdagi “Jo‘rabek” masjidi boylar tomonidan qayta qurilayotgani haqidagi mish-mishlar rad etildi


Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo