Tarixdagi ilk muvaffaqiyatli kesarcha kesish 1337-yilda Pragada amalga oshirilgan

Tarixdagi ilk muvaffaqiyatli kesarcha kesish 1337-yilda Pragada amalga oshirilgan. Mlada Fronta Dnes gazetasining ma’lum qilishicha, operatsiya natijasida ona va bolaning hayoti saqlab qolingan, deb yozadi “TASS”.

Foto: EPA

Nashrning qayd etishicha, ham ona, ham bolaning hayotini saqlab qolishga erishilgan tarixdagi ilk kesarcha kesish 1337-yilda Pragada o‘tkazilgan. Tug‘uruq operatsiyasi Chexiya qiroli Iogann Lyuksemburgning saroyida amalga oshirilgan. Operatsiya yordamida ko‘z yorigan ayol uning ikkinchi xotini Beatrisa de Burbon, dunyoga kelgan chaqaloq esa Vatslav edi.
Nashrda qayd etilishicha, ushbu ixtiro tibbiyot tarixini qayta yozishga undaydi. Dunyo tarix faniga shu paytga qadar 1500-yillar atrofida Shveysariyada muvaffaqiyatli amalga oshirilgan yagona kesarcha kesish holati haqida ma’lum edi.
XIX asrning ikkinchi yarmida ham kesarcha kesish operatsiyasini o‘tkazish jarayonida ayollarning 90 foizi chidab bo‘lmas og‘riq, qon yo‘qotish yoki sepsis tufayli halok bo‘lgan.
Batafsil | Подробно | Read more... Daryo