Xitoylik juftlik g‘or ichida 54 yil yashadi

Xitoy janubi-g‘arbidagi Sichuan provinsiyasida istiqomat qiluvchi juftlik 54 yil mobaynida g‘or ichida yashadi va boshqa joyga ko‘chib o‘tishni rejalashtirmayapti. Bu haqda, “Jenmin jibao” nashriga asoslanib, “RIA Novosti” xabar bermoqda .

Foto: Fotolia

Aytilishicha, 81 yoshli Lyan Szifu va uning 77 yoshli rafiqasi Li Suin 54 yil muqaddam — endi nikoh qurganida Nanchun shahri yaqinidagi g‘orlardan biriga ko‘chib o‘tgandi. U payti yosh juftlik haqiqiy uy sotib ololmasdi, shu bois g‘orda yashashga majbur bo‘lgandi. Vaqt o‘tishi bilan er-xotin g‘orda o‘zlari uchun qulay shart-sharoitlarni yaratib oldi. Endi g‘orda uchta yotoqxona, oshxona, mehmonxona va cho‘chqaxona bor.

Foto: “People.cn”

Gazetada chop etilgan suratlardan ma’lum bo‘lishicha, g‘orda televizor va ventilyator ham bor.

Foto: “People.cn”

G‘orda o‘tgan yillar davomida juftlik to‘rt farzandni dunyoga keltirdi.

Foto: “People.cn”

Mahalliy ma’muriyat keksa juftlikni yaxshiroq uy-joy bilan ta’minlashga urinmoqda, ammo ular bundan bosh tortmoqda.
Ma’lumot uchun, Xitoyda 30 million kishi g‘orlarda istiqomat qiladi .
Batafsil | Подробно | Read more... Daryo