Kolumbiya bilan durang o‘ynagan O‘zbekiston futzal terma jamoasi a’zolari nasib qilsa guruhdan chiqmoqchi

O‘zbekiston futzal terma jamoasi Jahon Chempionatining 2-turida Kolumbiya bilan 3:3 hisobida durang o‘ynagach, bosh murabbiy Xose Mariya Mendes g‘alaba qo‘ldan boy berilganidan afsusda ekanini aytib o‘tdi.

Foto: Getty Images

“Bugun yaxshi o‘yin namoyish etdik. Kolumbiyadek kuchli jamoa bilan durang o‘ynash har kimga ham nasib qilmaydi. Biroq g‘alabani qo‘ldan boy berganimizdan afsusdaman”, — deb ispaniyalik mutaxassisning so‘zlaridan iqtibos keltirdi O‘FFning Tegelgam’dagi kanali.
“Mag‘lubiyat guruhdan chiqish imkoniyatimizni yo‘qqa chiqarardi. Buni tushunib, qiyin o‘yinga tayyorgarlik ko‘rdik. G‘alabani qattiq istagandik. Lekin o‘yin oxirida omad yetishmadi”, — deb aytib o‘tgan Artur Yunusov “Championat.asia” saytiga bergan intervyusida .

Foto: Getty Images

“Panama bilan o‘yindan keyin kayfiyatimiz tushib ketgandi, qattiq hafa edik, — deb so‘z boshladi Nodir Eliboyev. — Kolumbiyaga qarshi o‘yin oldidan esa yigitlar bilan o‘zaro gaplashib olib, faqat g‘alaba uchun chiqqandik. E’tibor bergan bo‘lsangiz, hakamlar mezbonlarga baribir yordam qildi. Ularning so‘nggi ikki goli esa omaddan boshqa narsa emas”.
Nodir Eliboyev bosh murabbiy Xose Mariya Mendes uchrashuv oldidan o‘zbekistonlik futzalchilarga qanday ko‘rsatma bergani haqida ham to‘xtaldi : “Birinchi golni urib olsak, mezbonlar hisobni tenglashtirish uchun shoshib qoladi. Mana shunda biz ularni qarshi hujumda ushlaymiz degandi”.

Foto: Getty Images

“Maydonda tomoshabinlar juda ko‘p edi. Biz ularga e’tibor qaratmadik, o‘z uyimizda o‘ynayotgandek tasavvur hosil qildik. Raqib darvozasiga ikkita gol urib olganimiz, kuchimizga bo‘lgan ishonchni oshirdi. Ular beshinchi o‘yinchini ham maydonga tushirganida, biz bo‘sh qolgan darvozani ishg‘ol qilishimiz mumkin edi. Ammo vaziyatdan foydalana olmadik. Bu alamli durang bo‘ldi”, — deb ta’kidladi darvozabon Rustam Umarov.

Foto: Getty Images

“Bundan fojea yasamasligimiz kerak. Oldimizda yana 1 ta o‘yin bor. Nasib qilsa guruhdan chiqamiz”, — deb so‘zini tugatdi o‘zbekistonlik posbon uni oldinda Portugaliyaga qarshi uchrashuv kutib turgan bir vaqtda.
Batafsil | Подробно | Read more... Daryo