Turkmanistonda prezidentlikka nomzod 70 yoshdan kichik bo‘lishi kerakligi haqidagi talab bekor qilindi

Turkmaniston parlamenti mamlakat prezidenti etib saylanish uchun 70 yoshdan kichik bo‘lish kerakligi bilan bog‘liq cheklovni bekor qiluvchi yangi konstitutsiyani bir ovozdan qabul qildi. Bu haqda “RIA Novosti” xabar bermoqda .

Foto: “RIA Novosti”

Yangi konstitutsiya yuzasidan ovoz berish jarayoni 14-sentabr kuni mamlakat Oqsoqollar kengashi yig‘ilishida bo‘lib o‘tgan. Yig‘ilishda prezident Gurbanguli Berdimuhamedov tomonidan imzolangach, qonun kuchga kirdi.
2008-yilda qabul qilingan avvalgi konstitutsiyaga ko‘ra, mamlakatda tug‘ilgan, 40 yoshdan kichik va 70 yoshdan katta bo‘lmagan Turkmaniston fuqarosi prezident etib saylanishi mumkin edi. Yangilangan Asosiy qonunda “70 yoshdan katta bo‘lmagan” degan me’yor olib tashlangan.
Turkmanistondagi keyingi prezidentlik saylovlari 2017-yil fevralida bo‘lib o‘tadi. Ma’lumot uchun, amaldagi davlat rahbari Gurbanguli Berdimuhamedov 1957-yili tug‘ilgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo