Hindiston Afg‘onistonni qo‘llab-quvatlash va rivojlantirish uchun 1 mlrd dollar ajratishi ma’lum qilindi

Hindiston Afg‘onistonni qo‘llab-quvatlash va rivojlantirish uchun 1 milliard dollar ajratadi. Bu haqda mamlakat bosh vaziri Narendra Modi Afg‘oniston prezidenti Ashraf G‘ani bilan Nyu-Dehlidagi muzokaralar yakuni bo‘yicha ma’lum qildi, deya xabar beradi “TASS”. 

Narendra Modi va Ashraf G‘ani. Foto: Reuters

Ikki tomon jinoiy qidiruvda bo‘lgan shaxslarni o‘zaro bir-biriga berish, fuqaroviy va tijoriy ishlarda sheriklik bo‘yicha kelishuv, shuningdek, koinotdan tinchlik maqsadida foydalanishda hamkorlik yuzasidan memorandumni imzoladi. Modi mamlakat Afg‘onistonning ta’lim, sog‘liqni saqlash, qishloq xo‘jaligi, ayollar huquq va imkoniyatlarini kengaytirish, infrastrukturani rivojlantirish, demokratik tizimlarni mustahkamlash sohalaridagi so‘rovlarini ko‘rib chiqishga tayyor ekanligini bildirdi. 
Tomonlar shu yil may oyida imzolangan Afg‘oniston, Hindiston va Eron ishtirokidagi Chabaxar porti hamda u bilan bog‘liq transport yo‘lagini rivojlantirish bo‘yicha loyiha amalga oshirilishini tezlashtirish masalasini ham muhokama qildi. 
Batafsil | Подробно | Read more... Daryo