Fazliddin G‘oibnazarov gap-so‘zlarga sevib uylangan ayoli va ikki shirin farzandi bor ekani bilan javob berdi

Rio—2016 Olimpiadasida oltin medalni qo‘lga kiritgan o‘zbekistonlik bokschi Fazliddin G‘oibnazarov o‘zi haqidagi gap-so‘zlarga Facebook sahifasi orqali javob berdi . Avvolroq uning noma’lum qiz bilan tushgan suratlari ijtimoiy tarmoqlar va messenjerlarda ommalashib ketgandi .

Foto: Facebook

Charm qo‘lqop ustasi o‘z rafiqasi va farzandi bilan tushgan suratini sahifasiga joylab, uni qo‘llab-quvvatlagan barchaga katta rahmat aytdi.
“Kuni-kecha muxlislar bilan tushgan suratimizni o‘zi bilganicha talqin qilgan insonlarga qarata aytmoqchiman: Allohga behisob shukr, ikki shirindan-shakar farzandim va sevib uylangan ayolim bor. Ular men uchun juda aziz”, — deb yozdi bokschi.
“Siz bunday gaplar aytishdan oldin o‘zganing shaxsiy hayoti haqida mulohaza qilib ko‘rishingizni iltimos qilardim. Allohga shukr, davlatimiz, xalqimiz qo‘llab-quvatlab turgani uchun chempion bo‘ldik. Biz o‘zimizdan ketib qolganimiz yo‘qki, suratga tushishni so‘ragan kishilarga rad javobini bersak”, — deb fikrida davom etdi Fazliddin G‘oibnazarov.
So‘zining yakunida Olimpiada chempioni u bilan suratga tushadigan muxlislarga aka-uka yoki opa-singil sifatida qarashini bildirib, o‘zi haqidagi o‘zgalarning gumoni haqiqatdan yiroq ekaniga to‘xtalgan.
Batafsil | Подробно | Read more... Daryo