Xitoylik o‘qituvchi talabalarni zerikayotganini aniqlash uchun yuzni tanish texnologiyasidan foydalanadi

Sichuan universitetida muallimlik qiluvchi Vey Syaoyun talabalarning kayfiyatini aniqlash uchun yuzni tanish texnologiyasidan foydalanadi, deb xabar bermoqda Meduza.

Foto: Meduza

O‘qituvchi har bir talaba uchun shakli “baxtiyor”dan “befarq”gacha o‘zgarib grafik chizuvchi alohida dastur yozib chiqqan.
Syaoyun shu yo‘l bilan tinglovchilar qachon zerikayotganini aniqlaydi. Biroq u bu axborotdan talabalarni jazolash uchun emas, balki ta’lim jarayonini yaxshilash uchun foydalanadi: grafik yordamida ma’ruzaning aynan qaysi qismlari qiziqarli chiqqanini ko‘rish mumkin.
Vey Syaoyun yuzni tanish texnologiyasidan foydalana boshlaganiga besh yilcha bo‘lib qoldi — u dastlab bu texnologiyani davomatni tekshirish uchun ishlatgan. O‘qituvchi ko‘pincha darsga kelgan-kelmaganlarni tekshirishni esdan chiqarib qo‘ygani uchun, bu ishning zerikarli bo‘lmagan va vaqt olmaydigan yo‘lini ishlab chiqqan edi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo