Toshkentda konsullik sohasidagi O‘zbekiston — Rossiya maslahatlashuvlari bo‘lib o‘tdi

O‘zbekiston Tashqi ishlar vazirligida 23-sentabr kuni Rossiya Tashqi ishlar vazirligining Konsullik departamenti direktori o‘rinbosari Andrey Frolov boshchiligidagi delegatsiya bilan uchrashuv bo‘lib o‘tdi. Bu haqda O‘zbekiston TIV matbuot xizmati xabar bermoqda .

Foto: uzreport.uz

Vazirlik matbuot xizmatida qayd etilishicha, suhbat davomida konsullik sohasidagi O‘zbekiston — Rossiya munosabatlarining dolzarb masalalari muhokama qilindi.
2015-yil uchun vazirliklararo hamkorlik Dasturiga binoan uchrashuvda bir tomon fuqarolarining ikkinchi tomon hududidagi huquq va erkinliklarini himoya qilish, fuqarolik, oilaviy va jinoiy masalalarda huquqiy yordam berishning amaliy jihatlari hamda ikki tomonlama bitimlarni ijro etish jarayoni ko‘rib chiqildi.
Shuningdek, delegatsiyalar shu sohadagi O‘zbekiston va Rossiya qonunchiligidagi kuchga kirgan o‘zgartirishlar to‘g‘risida ma’lumot almashdi.
Batafsil | Подробно | Read more... Daryo