Italiyadagi farroshlari ishdan bo‘shagan shahar meri ko‘cha tozalashga o‘zi chiqdi

Sardiniyadagi (Italiya) Dzerfaliu shahri rahbari meriya maosh to‘lagan barcha farroshlar ishdan bo‘shagani tufayli ko‘cha supurishga chiqdi. Mer va uning o‘rinbosarlari bozor bo‘ladigan kun arafasida markaziy maydonni o‘zlari tozalashlariga to‘g‘ri keldi. Bu haqda “Vesti.ru” xabar bermoqda .

Foto: La Stampa

Meriya vakillari mansabdor maydonni tozalab bo‘lguniga qadar unga ko‘p qo‘ng‘iroq qilishgani, kotibaga esa rahbar joyida emasligini tushuntirishiga to‘g‘ri kelganini tan oldi. Shahar markazini tozalashda nafaqat merning yordamchisi, balki otasi va mahalliy shahar kengashi raisi ham ishtirok etdi.
Dzerfaliuning barcha farroshlari birdaniga ishdan bo‘shashga qaror qilgani sababi noma’lum, biroq ularni almashtirish uchun yarim yildan ko‘proq odam qidirilgani, biroq topilmagani aytilmoqda. Byurokratik muammolar hal etilishini kutib o‘tirmay, mer supurgini qo‘lga olishga qaror qildi.
Ijtimoiy tarmoqlarning aksariyat foydalanuvchilari uning harakatini ma’qullagan va Italiyadagi ayrim shaharlar mansabdorlari ham ba’zan shunday yo‘l tutishini bildirgan.
Batafsil | Подробно | Read more... Daryo