AQShdagi saylov elektron tizimlari xakerlar hujumidan ishonchli himoyalangani ma’lum qilindi

AQShdagi saylovlarda ovozlarni hisoblash elektron tizimlari xakerlar hujumlaridan ishonchli himoyalangan. Bu haqda mamlakat milliy xavfsizlik vaziri Jey Jonson ma’lum qildi, deya xabar beradi “TASS”.

Foto: Getty Images

Vazir tomonidan tarqatilgan yozma bayonotda bildirilishicha, so‘nggi oylarda AQSh rasmiylari tomonidan “siyosiy institutlarga taalluqli kiberhujumlar”, shuningdek, shtatlar darajasidagi tegishli idoralar kompyuter tizimlarida saqlanayotgan saylovchilar haqidagi ma’lumotlarni qo‘lga kiritishga qaratilgan harakatlar qayd etilgan. Biroq mamlakat hukumati saylovlarda foydalaniladigan kompyuter tizimlarining saqlanish darajasiga “ishonch bildirishda” davom etmoqda.
Shu bilan birga, Jonson xakerlarning operatsiyalari tobora “ustamonlik bilan bajarilayotgani” va “hushyor bo‘lish lozimligi”ni tan oldi. Bunday kiberhujumlarni boshqa davlatlar maxsus xizmatlari, ayrim faollar, shuningdek, jinoyatchi kimsalar amalga oshirmoqda. Vazirlik saylovlar o‘tkazilishi uchun mas’ul shaxslarga tizimlarni himoya etishda yordam berishga tayyor.
Mansabdorning aytishicha, oxirgi haftalarda qator shtatlar rasmiylari shunday ko‘mak so‘rab, vazirlikka murojaat etgan. Jonson qolganlarni ham ulardan o‘rnak olishga chaqirdi.
Batafsil | Подробно | Read more... Daryo