O‘zbekiston Respublikasi Prezidenti vazifasini bajaruvchi Shavkat Mirziyoyev 16-sentabr kuni “Ichki ishlar organlari to‘g‘risida”gi Qonunni imzoladi. Qonun matbuotda e’lon qilindi va 6 oydan so‘ng kuchga kiradi, deya ma’lum qiladi “Gazeta.uz”.
Foto: “Gazeta.uz”
Qonun ichki ishlar organlarining asosiy vazifalari, faoliyatining yo‘nalish va tamoyillarini belgilab beradi. Fuqarolarning huquqlari, erkinliklari va qonuniy manfaatlarini himoya qilish, jismoniy va yuridik shaxslar mol-mulkini qo‘riqlash, konstitutsion tuzum, qonun ustuvorligi, shaxs, jamiyat va davlat xavfsizligini ta’minlash, huquqbuzarliklarning oldini olish va boshqalar asosiy vazifalar sifatida keltirib o‘tilgan. Ichki ishlar organlari faoliyatining asosiy tamoyillari qonuniylik, fuqarolarning huquqlari, erkinliklari va qonuniy manfaatlariga rioya etish hamda ularni hurmat qilish, ochiqlik va shaffoflikdan iborat.
Ichki ishlar organlari xodimlari o‘z faoliyatida Konstitutsiya, yangi qonun va boshqa qonunchilik aktlariga aniq rioya qilishi va talablarini bajarishi shart. Ichki ishlar xodimlarining o‘z faoliyatida qonunlarni bajarish va ularga rioya qilishdan har qanday chekinishi qonuniylikni buzish hisoblanadi va belgilangan javobgarlikka sabab bo‘ladi.
Ichki ishlar organlari xodimlari xizmat majburiyatlarini bajarish chog‘idagi o‘zining qonunga xilof xatti-harakatlarini (harakatsizligini) oqlash uchun xizmat manfaatlari, iqtisodiy jihatdan maqsadga muvofiqligi, yuqori turuvchi mansabdor shaxslarning qonunga xilof talablari, buyruqlari va farmoyishlarini yoki qonunga muvofiq bo‘lmagan boshqa biror-bir holatni ro‘kach qilishi mumkin emas. Ichki ishlar organlari xodimlariga kimnidir g‘ayriqonuniy harakatlarini sodir etishga bevosita yoki bilvosita qiziqtirish, ko‘ndirish, undash taqiqlanadi.
Qonunga muvofiq, ichki ishlar organlari fuqarolarning huquqlari, erkinliklari va qonuniy manfaatlari ularning jinsi, irqi, millati, tili, dini, ijtimoiy kelib chiqishi, e’tiqodi, shaxsi va ijtimoiy mavqeyidan qat’i nazar himoya qilinishini ta’minlaydi.
Shuningdek, qiynoqlarga solish, zo‘ravonlik qilish, boshqa shafqatsiz yoki inson qadr-qimmatini kamsitadigan tarzda muomalada bo‘lish man etiladi. Ichki ishlar organining xodimi fuqaroga qasddan og‘riq, jismoniy yoki ma’naviy azob yetkaziladigan xatti-harakatlarga chek qo‘yishi shart.
Batafsil | Подробно | Read more... Daryo
Top News
-
Rossiya Karib dengizida harbiy mashg‘ulotlar o‘tkazadi.
AP xabariga ko‘ra, Rossiya harbiy kemalari va samolyotlari yaqin haftalarda Karib dengiziga yetib boradi va yoz oxirigacha u yerda qoladi. Ularning...
-
Turkiyada doktorantura uchun o‘zbekistonliklarga stipendiyalar ta’sis etiladi.
O‘zbekistonlik yosh tadqiqotchilar uchun Turkiya universitetlari doktorantura bosqichida tahsil olishga stipendiyalar ajratilishi joriy yildan...
-
Dam olish kunlari kutilayotgan ob-havo ma’lum qilindi.
Shanba, yakshanba kunlari O‘zbekiston bo‘yicha havo biroz bulutli bo‘ladi, yog‘ingarchilik kutilmaydi, harorat 34−39 darajani tashkil etishi...
-
"Брайтон"ни немис мураббийи бошқариши мумкин
Фабиан Хёрцелер "Брайтон"ни бошқариши мумкин.
-
"Saraton va boshqa jiddiy kasalliklar bog‘chadagi sifatsiz taomlanishdan kelib chiqmoqda" - mutaxassis bilan suhbat.
Ayrim davlat bog‘chalari achinarli ahvolda ekani rasmiy minbar orqali tan olindi va tanqid qilindi. .
-
"Милан" учун Зиркзеени сотиб олиш қийин бўлмайди
Ҳамма нарса ҳужумчи Жошуа Зиркзеенинг ёзда "Болонья"дан "Милан"га кетиши томон бормоқда.