O‘zbekiston Respublikasi Prezidenti vazifasini bajaruvchi Shavkat Mirziyoyev 16-sentabr kuni “Ichki ishlar organlari to‘g‘risida”gi Qonunni imzoladi. Qonun matbuotda e’lon qilindi va 6 oydan so‘ng kuchga kiradi, deya ma’lum qiladi “Gazeta.uz”.
Foto: “Gazeta.uz”
Qonun ichki ishlar organlarining asosiy vazifalari, faoliyatining yo‘nalish va tamoyillarini belgilab beradi. Fuqarolarning huquqlari, erkinliklari va qonuniy manfaatlarini himoya qilish, jismoniy va yuridik shaxslar mol-mulkini qo‘riqlash, konstitutsion tuzum, qonun ustuvorligi, shaxs, jamiyat va davlat xavfsizligini ta’minlash, huquqbuzarliklarning oldini olish va boshqalar asosiy vazifalar sifatida keltirib o‘tilgan. Ichki ishlar organlari faoliyatining asosiy tamoyillari qonuniylik, fuqarolarning huquqlari, erkinliklari va qonuniy manfaatlariga rioya etish hamda ularni hurmat qilish, ochiqlik va shaffoflikdan iborat.
Ichki ishlar organlari xodimlari o‘z faoliyatida Konstitutsiya, yangi qonun va boshqa qonunchilik aktlariga aniq rioya qilishi va talablarini bajarishi shart. Ichki ishlar xodimlarining o‘z faoliyatida qonunlarni bajarish va ularga rioya qilishdan har qanday chekinishi qonuniylikni buzish hisoblanadi va belgilangan javobgarlikka sabab bo‘ladi.
Ichki ishlar organlari xodimlari xizmat majburiyatlarini bajarish chog‘idagi o‘zining qonunga xilof xatti-harakatlarini (harakatsizligini) oqlash uchun xizmat manfaatlari, iqtisodiy jihatdan maqsadga muvofiqligi, yuqori turuvchi mansabdor shaxslarning qonunga xilof talablari, buyruqlari va farmoyishlarini yoki qonunga muvofiq bo‘lmagan boshqa biror-bir holatni ro‘kach qilishi mumkin emas. Ichki ishlar organlari xodimlariga kimnidir g‘ayriqonuniy harakatlarini sodir etishga bevosita yoki bilvosita qiziqtirish, ko‘ndirish, undash taqiqlanadi.
Qonunga muvofiq, ichki ishlar organlari fuqarolarning huquqlari, erkinliklari va qonuniy manfaatlari ularning jinsi, irqi, millati, tili, dini, ijtimoiy kelib chiqishi, e’tiqodi, shaxsi va ijtimoiy mavqeyidan qat’i nazar himoya qilinishini ta’minlaydi.
Shuningdek, qiynoqlarga solish, zo‘ravonlik qilish, boshqa shafqatsiz yoki inson qadr-qimmatini kamsitadigan tarzda muomalada bo‘lish man etiladi. Ichki ishlar organining xodimi fuqaroga qasddan og‘riq, jismoniy yoki ma’naviy azob yetkaziladigan xatti-harakatlarga chek qo‘yishi shart.
Batafsil | Подробно | Read more... Daryo
Top News
-
Toshkent shahri havosi yomg‘irdan keyin ifloslanganiga Ekologiya vazirligi izoh berdi.
17 may tongda Toshkent shahri havosi yuqori darajada ifloslanishi yog‘ingarchilikdan keyin hosil bo‘lgan kam miqdordagi tuman, nam havo oqimi kirib...
-
O‘zbekiston va AQSh o‘rtasidagi maxfiy harbiy ma’lumotlar bo‘yicha bitim ma’qullandi.
Qonunda o‘zaro manfaatli ma’lumotlar almashinuvi, beg‘araz harbiy-texnik yordam olish, harbiy texnikalarni to‘g‘ri ekspluatatsiya qilish uchun...
-
«Haj-2024» mavsumida Uzbekistan Airways 15 mingdan ortiq ziyoratchini Madinaga yetkazadi .
Ziyoratchilarni Saudiya Arabistoniga yetkazish uchun 124 ta charter qatnovini amalga oshirish rejalashtirilgan. .
-
Zelenskiy Xarkiv oblastida vaziyat barqarorlashganini ma’lum qildi.
RF qo‘shini so‘nggi hafta davomida frontning mazkur uchastkasida kamida o‘n kilometrga ilgarilagandi..
-
Фабрегас: "Гап битта унвон ютишда эмас, уни беш, олти, етти марта ютишда"
Сеск Фабрегас "Арсенал"нинг прогрессив ривожланишидан мамнун.
-
Клопп: "2022 йилги Чемпионлар лигаси финалида Куртуанинг 12 та қўли бор эди"
"Ливерпуль" бош мураббийи Юрген Клопп 2022 йилги Чемпионлар лигаси финал учрашувида жамоаси "Реал"га минимал 0:1 ҳисобида мағлуб бўлганини...